ملک بھر میں ڈینگی کے مریضوں کی تعداد میں اضافہ ہونے لگا۔
راولپنڈی میں ڈینگی وائرس کے 21 نئے کیسز کی تصدیق ہوئی ہے۔
تفصیلات کے مطابق رواں سیزن میں ڈینگی کے تصدیق شدہ کیسز کی تعداد 2262 ہوگئی ہے۔
محکمہ صحت پنجاب نے بتایا کہ ڈینگی کے 51 مریض ہولی فیملی ہسپتال، 16 ڈی ایچ کیو ہسپتال اور تین واہ جنرل ہسپتال میں زیر علاج ہیں۔
محکمہ صحت نے بتایا کہ ڈینگی کے ایک مریض کی حالت تشویشناک ہے۔
دوسری جانب ضلعی انتظامیہ کے مطابق ڈینگی ایس او پیز کی خلاف ورزی پر مزید 12 مقدمات درج کر لیے گئے ہیں۔ 12 چالان ٹکٹ جاری کیے گئے اور 1,11,500 روپے جرمانہ عائد کیا گیا۔
